!!!!!!!!!!!!!!!!!!!!!!ابھی کچھ دیر باقی ہے

ابھی ٹہرو 

ابھی کچھ وقت لگنا ہے تمھارے غم سمبھلنے میں 

ابھی یہ جسم و جان تھک کر چور تو ہوگا 

 ابھی ٹہرو 

ابھی ساری فضاؤں نے تمھارے ساتھ چلنا ہے 

ابھی ٹھنڈی ہواؤں نے تمھارے زخم سینا ہے

ابھی کچھ وقت باقی ہے سبھا سے شام ہونے میں 

ابھی کچھ وقت باقی ہے اندھیری رات ہونے میں 

ابھی کچھ وقت باقی ہے عمر تمام ہونے میں

ابھی کچھ وقت باقی ہے سویرا گھر کے آے گا

ابھی بارش نے جلتی دھوپ میں سیراب کرنا ہے 

ابھی صحرا کی اس ریت پر بوندوں نے ٹپکنا ہے 

ابھی کچھ وقت باقی ہے ستاروں کے چمکنے میں 

ابھی کچھ وقت باقی ہے تمھارے مسکرانے میں 

ابھی کچھ وقت باقی ہے لہو کو شاد کرنے میں 

ابھی تم نے سہاروں کے بنا ایک عمر بتانی ہے 

ابھی تم نے ستاروں کے بنا جیون بتانا ہے

ابھی سے تھک نہ جانا تم 

ابھی کچھ آشیاں جلتے ہوۓ دیکھو گی دنیا میں 

ابھی کچھ امتحاں جھیلو گی تنہا تم اس دنیا میں 

ابھی سے تھک نہ جانا تم 

یہ سارے امتحاں  آ ینگے جایں گے تمھارے پاس 

مگر وو دن بھی آے گا

کہ جس دن تمھارے پاس بہت سی روشنی ہوگی 

ابھی ٹہرو
ابھی ان آنکھوں کو مت مسلو 

ان جھیل سی گہری آنکھوں کے سارے آنسو بیہ جانے دو 

ابھی وہ دن بھی آے گا 

یہ آنکھیں مسکرایں گی 

ابھی سے تھک نہ جانا تم 

ابھی کچھ وقت باقی ہے 

ابھی ساحل پہ ننگے پاؤں تم  کو چلتے جانا ہے 

ابھی دریا کی لہروں سے گلے بھی مل  کے انا ہے 

ابھی ٹہرو 

ابھی کچھ دیر باقی ہے

پھر ایسے وقت کو آنا ہے 

کوئی غم نہ ہوگا تمہارےپاس 

کسی کا  قرب ہوگا تمہارے ساتھ   

ابھی ٹہرو 

ابھی کچھ دیر باقی ہے 

ابھی ٹہرو 

ابھی اس دن نے آنا ہے
ابھی وہ لمحا آے گا
کہ جب تم مسکراؤ گی  

غموں کو تم ھراؤ گی
خوشی کے گیت گاؤ گی


ابھی ٹہرو
ابھی تو روٹھنے والے تمھارے پاس آ یں گے
ابھی مایوس مت ہونا
ابھی ٹہرو
!!!!!!!!!ابھی کچھ دیر باقی ہے  

چاند اور میں

چاند آسمانون پر  

اور میں زمینوں پر 

میں اکیلی ہوں اور وہ تنہا ہے 

وہ بھی اوپر سے کتنا شفاف دکھتا ہے 

میں بھی دکھتی ہوں اسی کی مانند 

اداسی میں بھی وہ مسکراتا رہتا ہے 

میرا بھی حال ہے اس سے کم نہیں 

اسے دیکھو تو دنیا خوبصورت لگتی ہے 

مجھے دیکھو تو زندگی معصوم لگتی ہے

اسکی قربت میں بھی ہوا یں کتنے گیت گاتی ہیں 

میری قربت میں وہ اپنا ہر اک پل مناتی ہیں 

سمندر چاند کا ہالہ کنارے پر بناتا ہے 

میرے قدموں کو اس کی کرنیں آ کر چوم جاتی ہیں 

وہ جتنا خوبصورت ہے 

اندر سے اتنا ویران ہے 

میری ذات کیطرحاں اندر سے وہ بھی ہے کھنڈر 

مگر پھر بھی نہ جانے کیوں  

مجھے تو رشک آتا ہے 

کہ میری اور اسکی قسمت ایک جیسی ہے

مگر تھوڑا سا جو ایک فرق ہمیں ممتاز کرتا ہے

وہ یہ ہے 

چاند تو پھر اپنی مرضی سے نکلتا ہے

مگر میری کوئی مرضی نہیں

کہ میں ایک لڑکی ہوں

جس کی ڈور وقت کے ہاتھوں میں ہے...!!!

کیسی یہ محبت ہے

 

تم اکثر کیوں یہ کہتے ہو
محبت تم سے کرتا ہوں 

محبت تو جھوٹ کے صحرا سے دور 

سچ میں ڈوبی ایک کہانی ہے 

جسے تم نے جھوٹ کی آمیزش سے 

اک سودا بنا ڈالا 

تم اکثر کیوں یہ کہتے ہو 

محبت تم سے کرتا ہوں 

محبت تو عبادت ہے 

پھر اس میں کھوٹ کیوں ڈالا 

مجھے معلوم تھا جاناں 

تمہیں مجھ سے محبت ہے 

مگر کیسی یہ چاہت ہے 

کہ جس نے روح کو میری 

کچل ڈالا مسل ڈالا 

محبت مت کہو اس کو 

اب اس میں جھوٹ شامل ہے 

نہ جانے کیوں یہ کہتے ہو 

تمہیں مجھ  سے محبت ہے

محبت تو بھروسہ ہے 

دلوں کو جیت لینے کا 

کرشمہ ہے 

محبت سائبان بن کر 

ہمیں پرنور کرتی ہے 

 تم اکثر ہم سے کہتے ہو 

تمہیں ہم سے محبت ہے 

کیسی یہ محبت ہے 

کہ جس نے ذات کو میری 

بنجر بنا ڈالا 

خزاں کے موسموں میں تم نے اکثر 

اجڑے ہوے پھولوں کی شاخوں کو 

بکھرتے اور ٹوٹتے دیکھا ہو گا 

میری حالت بھی ایسی ہے 

جسم میں خون تو موجود ہے لکن 

میرے اندر ایک خالی مکان نے 

اپنا گھر بنا ڈالا 

اب اس میں تمہاری محبت کے 

جھوٹے سکّے کھنکتے ہیں 

جنہیں میں نے سمبھالا تھا 

وو اچھے پل سبھی سارے

تمہارے سنگ جو بیتے تھے

وہ میری عمر کا حاصل تھے 

انھیں میں نے اپنے خون جگر سے نوچ ڈالا ہے 

کوئی بھی فیصلہ کرنے کی طاقت اب نہیں مجھ میں 

تم اکثر مجھ سے کہتے تھے 

تمہیں مجھ سے محبت ہے 

تیری کیسی محبت تھی 

کہ جس نے میرے اندر کی ہنستی ہوئی

لڑکی کو مار ڈالا ہے!!!!!!!!!